Сярод
творчых дэлегацый абласцей Рэспублікі ў складзе Гродзенскай вобласці ўдзел у
свяце прымалі супрацоўнікі ДУ "Лідскі раённы цэнтр культуры і народнай
творчасці".
У эпізодзе
цырымоніі адкрыцця свята прайшоў тэатралізаваны парад-дэфіле ў традыцыйных
народных касцюмах кожнай вобласці нашай краіны і краін-суседак. Ліда
прадставіла тры жаночых і адзін мужчынскі абноўленыя строі Гродзеншчыны пачатку
ХХ ст., выкананыя творчым калектывам аддзела рамёстваў і традыцыйнай культуры
ДУ "Лідскі раённы цэнтр культуры і народнай творчасці".
У рамках
"Александрыйскага кірмаша" 2020 г. упершыню праводзілася выстава
"Свята народнага касцюма". Спецыялісты ад кожнай вобласці праводзілі
паказ-прэзентацыю аўтэнтычнага народнага адзення і прадстаўлялі работы
майстроў, якія ажыццяўлялі рэканструкцыю традыцыйных строеў з мэтай
папулярызацыі беларускай рэгіянальнай культурнай спадчыны.
На пляцоўках
сувенірнага кірмашу асаблівую цікавасць прадстаўлялі стылізаваныя тканыя
вырабы. У майстар-цэнтрах Лідскі аддзел рамёстваў і традыцыйнай культуры годна
прадставіў два напрамкі – ткацтва і выцінанку. Майстар па ткацтву Валянціна
Сільвановіч прэзентавала абноўленыя белаўзорыстыя ручнікі (элемент дадзенай
тэхнікі ткацтва з 2018 г. унесены ў спіс гісторыка-культурных каштоўнасцяў
Рэспублікі Беларусь), паясы "на ніту", мініяцюрныя тканыя сувеніры,
кілімкі.
Аўтарская
выстава выцінанкі метадыста Дар'і Юрчык складалася з двзьюх калекцый: на тэму
Купалля і работ, створаных на аснове пераасэнсавання творчасці народнага
майстра Рэсрублікі Беларусь – Рышкевіча
М. А.
Прафесіяналізм і зладжаныя дзеянні калектыву
ДУ "Лідскі раённы цэнтр культуры і народнай творчасці" забяспечылі
выдатнае ўражанне для гасцей і гаспадароў свята.
Вялікі дзякуй работнікам Лідскага цэнтра культуры: Щэлінай А. В., Свідэрскай А. М., Сільвановіч В. Г., Юрчык. Д. С., Т. В. Лісоўскай, Пушкару С. А., якія зрабілі ўсё, каб атрымаць добрыя водгукі ў адрас Гродзеншчыны.