22 октября 2019

Рэгіянальны конкурс Алена-Льняніца ў аграгарадку Ганчары

 Рэгіянальны конкурс “Алена-Льняніца”  невыпадкова пройдзе на базе філіяла “Ганчарскі Дом культуры” дзяржаўнай установы “Лідскі раённы цэнтр культуры і народнай творчасці”, бо аграгарадок Ганчары з’яўляецца сталіцай лёну Лідчыны і аб чым яшчэ сведчыць і наяўнасць пакоя ільну ў вышэй названай клубнай установе.

У конкурсе прымуць удзел прадстаўніцы  Воранаўскага, Іўеўскага, Карэліцкага і Лідскага раёнаў. Канкурсанткі прадставяць сваю творчасць у шасці конкурсах. “Давайце пазнаёмімся”, “Дзяўчына без касы не мае красы”, “Льняная асалода” – конкурс прыгатавання страў з ільну, гэта хатняе заданне, “Лён – кашуля ў полі”, у якім удзельніцы прадставяць касцюмы з ільну, “Церці лён – ляціць кастрыца”, конкурс хоббі “Свет захапленняў” завершыць праграму.

Ствараць святочны настрой на свяце дапаможа ўзорны танцавальны ансамбль “Крышталікі”, дзіцячы фальклорны гурт “Крынічка” дзяржаўнай установы “Бярозаўскі гарадскі Дом культуры”.