Мноства рабят, іх бацькі, дзядулі
і бабулі з нецярпеннем чакалі пачатку мерапрыемства ля галоўнай ёлкі горада.
Адкрылі свята смешныя Зайцы, прыгожая Ёлачка
і вясёлая
Цётухна Забава. Дзеці з радасцю адгадвалі загадкі, чыталі вершы,
удзельнічалі ў конкурсах і віктарынах, танцавалі, вадзілі карагоды і спявалі
навагоднія песенькі. Ўсе разам змаглі перамагчы Каралеву Мышыльду са злосным
Вірусам. З радасцю сустрэлі Дзеда Мароза, Снягурку і сімвал 2021 года – дружалюбнага Бычка.
Вечар прайшоў на пазітыўнай хвалі
і ў прыўзнятым настроі. Маленькія лідчане атрымалі ўнікальную магчымасць
асабіста падзякаваць Дзеда Мароза за падарункі і выкананыя жаданні.
Дапоўнілі свята выязны гандаль і фотасесіі ў арыгінальных навагодніх інсталяцыяхз героямі прадстаўлення.