Вальфовіч: акцыя "Нашы дзеці" прымушае яшчэ раз падумаць пра дабро і міласэрнасць

Дзяржсакратар Савета бяспекі павіншаваў дзяцей з надыходзячым Новым годам і падарыў ім два батуты, арэлі і салодкія падарункі. У сваю чаргу дзеці выканалі музычныя нумары і ўручылі гасцям вырабленыя сваімі рукамі сувеніры.

"Супрацоўнікі Дзяржаўнага сакратарыята пастаянна ўдзельнічаюць у рэспубліканскай акцыі "Нашы дзеці", - сказаў Аляксандр Вальфовіч. - Нягледзячы на меры сацыяльнай падтрымкі, што аказваюцца дзяржавай дзецям-сіротам і дзецям, якія засталіся без апекі бацькоў, для хлопчыкаў і дзяўчынак вельмі важна ўвага неабыякавых людзей: падарунак гэта, цёплае слова або проста ўсмешка, здзяйсненне іх жаданняў пад навагодняй ёлкай".

Дзяржаўны сакратар таксама падкрэсліў, што акцыя "Нашы дзеці" важна не толькі для дзяцей, але і для ўсіх нас. "У чарадзе штодзённых клопатаў яна прымушае падумаць пра дабро, міласэрнасць, дапамагчы тым, хто чакае падтрымкі. І тое мора ўсмешак, якое мы бачым падчас сустрэчы з хлопчыкамі і дзяўчынкамі, сагравае нашы душы і сэрцы", - сказаў Аляксандр Вальфовіч.

Акрамя таго, у гэты ж дзень дзяржаўны сакратар Савета бяспекі разам з губернатарам Гродзенскай вобласці Уладзімірам Каранікам прыняў удзел у закладцы першага каменя дзіцячага сада ў мікрараёне Поўнач у Лідзе і ўрачыстай цырымоніі адкрыцця абноўленага хірургічнага корпуса Лідскай цэнтральнай раённай бальніцы.

БелТА