Дэпутат Палаты прадстаўнікоў Нацыянальнага сходу Рэспублікі Беларусь Серафіновіч Кацярына: "Сын беларускага Палесся, гонар краіны, — так я б ахарактарызавала калегу, дэпутата Палаты прадстаўнікоў Уладзіміра Гаўрыловіча."

Творчая дзейнасць Уладзіміра Гаўрыловіча высока ацэнена на дзяржаўным і міжнародным узроўнях.
А на сцэне актавай залы БДПУ імя М. Танка (студэнтам якога ў свой час быў У. Гаўрыловіч), дзе ішла прэзентацыя яго кніг, удзельнікі мерапрыемста бачылі сціплага, шчырага чалавека, неабыякавага да лёсаў землякоў і будучыні краіны.
 Падумалася, што вытокі таленту Уладзіміра Мікалаевіча, як і іншых беларускіх творцаў, грунтуюцца на любові да сваёй малой радзімы, разуменні свайго прадвызначэння ў жыцці, а таксама патрабавальнасці да сябе, высокай самааддачы ў жаданні ўнесці свой ўклад у дзень сённяшні і заўтрашні.
 
Няхай і надалей натхненне і поспех спадарожнічаюць у заканадаўчай і літаратурнай дзейнасці Уладзіміра Мікалаевіча Гаўрыловіча.