Лукашэнка: Беларусь па праву лічыць сябе часткай глабальнай большасці

Звяртаючыся да дыпламатаў, Прэзідэнт адзначыў, што многія з іх прадстаўляюць дзяржавы глабальнай большасці, роля якой у міжнародных справах імкліва і, галоўнае, заслужана расце. "Краіны, што ўваходзяць у яе, маюць падобныя падыходы да светаўладкавання, выбудоўвання партнёрства, урэгулявання канфліктаў. Ім уласцівы павага да нацыянальнага суверэнітэту, непрыманне націску, дыктату, незаконных санкцый. Беларусь па праву лічыць сябе часткай гэтай глабальнай большасці", - падкрэсліў Прэзідэнт.

"Наша гісторыя, гераічны і адначасова трагічны вопыт процістаяння шматлікім спробам каланізацыі і знішчэння беларусаў прадвызначылі выключную важнасць для нас незалежнасці і права "людзьмі звацца", як сказаў беларускі класік", - заявіў кіраўнік дзяржавы. Аляксандр Лукашэнка ўпэўнены, што агульнасць поглядаў краін глабальнай большасці будзе добрым фундаментам і для паспяховай місіі дыпламатаў у Беларусі.