Лукашэнка падпісаў закон аб увядзенні адказнасці за незаконныя дзеянні з БПЛА

Гэты заканадаўчы акт накіраваны на ўзмацненне аховы паветранай прасторы Беларусі.

Устанаўліваецца адміністрацыйная адказнасць за незаконныя ўвоз на тэрыторыю Беларусі, захоўванне, абарот, эксплуатацыю або выраб грамадзянскіх беспілотных лятальных апаратаў.

Законам таксама ўстанаўліваецца крымінальная адказнасць за аналагічныя дзеянні, учыненыя паўторна пасля накладання адміністрацыйнага спагнання.

Асноўныя палажэнні закона ўступаюць у сілу праз 10 дзён пасля яго афіцыйнага апублікавання.