Цэнтрвыбаркам агучыў папярэднія вынікі галасавання

Галасы выбаршчыкаў размеркаваліся наступным чынам. За Алега Гайдукевіча прагаласавала 119 272 чалавекі, або 2,2%; за Ганну Канапацкую – 109 760 чалавек або 1,86%, за Аляксандра Лукашэнку — 5 136 293 чалавекі або 86,82%; Сяргея Сыранкова 189 740 чалавек або 3,2%; Аляксандра Хіжняка-102 729 або 1,74%; супраць усіх — 213 277 або 3,6%.

У спісы выбаршчыкаў было ўнесена 6 903 994 чалавекі. Бюлетэні атрымалі 5 916 834 выбаршчыкаў, прагаласавалі 5 916 195 чалавек, або 85,69%.

— Такім чынам выбары адбыліся, — праінфармаваў Ігар Карпенка, нагадаўшы, што згодна з заканадаўствам яны лічыцца такімі, калі прагаласавала больш за палову выбаршчыкаў.

У тым ліку, прагаласавалі 114 грамадзян, якія пастаянна жывуць за мяжой. Права ўпершыню прагаласаваць атрымалі больш за 88 тысяч маладых людзей, і 95% з іх прыйшлі на выбарчыя участкі. 

Нагадаем, у асноўны дзень галасавання ў краіне працавала 5325 выбарчых участкаў, у тым ліку 207 у бальніцах, санаторыях і дамах адпачынку, 12 у воінскіх часцях.