Характарыстыка выпускніка не адаб’ецца на яго паступленні ў ВНУ

«Характарыстыка выпускніка не адаб’ецца на яго паступленні ў ВНУ, яна адаб’ецца на той персанальнай працы, якая будзе выбудоўвацца з будучым студэнтам з улікам усіх пунктаў гэтай характарыстыкі», — сказаў Андрэй Іванец.

Зараз характарыстыка выпускніка ўключае ў сябе 11 пунктаў. «Мы ў бліжэйшы час размесцім яе ў адкрытым доступе, там няма ніякага сакрэту. У характарыстыцы ёсць стандартныя пункты: прозвішча, імя, імя па бацьку, месца вучобы, пэўныя дадзеныя аб складзе сям’і, пытанні ўдзелу ў спартыўных, творчых мерапрыемствах, у мерапрыемствах інтэлектуальнага профілю. У дакуменце будзе адзначана тое, што выпускнік з’яўляўся пастаянным актыўным удзельнікам канферэнцый, алімпіяд. Асобны пункт будзе прысвечаны дысцыпліне. Ёсць у нас дзеці, якія не вельмі добра сябе паводзяць. Гэта будзе адлюстравана ў характарыстыцы для таго, каб рэктар універсітэта разумеў, хто да яго прыходзіць. Калі выпускнік ужо затрымліваўся, да прыкладу, за распіццё спіртных напояў у грамадскім месцы, рэктар будзе ведаць, што да маладога чалавека трэба прыставіць куратара групы, правесці гутарку, каб не было такіх інцыдэнтаў надалей», — адзначыў Міністр адукацыі.

Белта