Ваенны камісарыят Лідскага раёна

Ваенны камісарыят Лідскага раёна – орган ваеннага кіравання, найважнейшымі напрамкамі дзейнасці якога з'яўляецца ўдасканаленне сістэмы мабілізацыйнай гатоўнасці, тэрытарыяльнай абароны; забеспячэнне выканання службовымі асобамі і грамадзянамі патрабаванняў Канстытуцыі Рэспублікі Беларусь і дзеючага заканадаўства па пытаннях абароны; усебаковая падрыхтоўка грамадзян да службы ў арміі; вучэбна-прызыўная работа; арганізацыя воінскага ўліку і браніравання ваеннаабавязаных запасу; сацыяльная абарона і пенсійнае забеспячэнне пенсіянераў Міністэрства абароны і членаў іх сем'яў, ветэранаў Вялікай Айчыннай вайны, ветэранаў баявых дзеянняў на тэрыторыі іншых дзяржаў, удзельнікі ліквідацыі наступстваў катастрофы на Чарнобыльскай АЭС; грамадзянска-патрыятычнае выхаванне; увекавечанне памяці абаронцаў Айчыны і ахвяр войнаў.

Адрас: 231300, вул. Перамогі, 44, г. Ліда, Гродзенская вобласць. тэл./факс: 8-0154-659745. Электронны адрас для зваротаў грамадзян: voenkomat.lida@mod.mil.by Рэжым працы Ваеннага камісарыята Лідскага раёна з панядзелка па пятніцу з 8.00 да 13.00, з 14.00 да 17.00. Штодня з 8.00 да 13.00, з 14.00 да 17.00 начальнікамі аддзелаў і груп ажыццяўляецца асабісты прыём грамадзян:

Намеснік ваеннага камісара – начальнік мабілізацыйнага аддзела - тэл. 659744

Начальнік групы тэрытарыяльнай абароны - тэл. 659744

Начальнік аддзела прызыву на ваенную службу - тэл. 659743

Папярэдні запіс на асабісты прыём да камісара Лідскага раёна ажыццяўляецца ў дзяжурнага па ваеннаму камісарыяту і па тэлефоне 8(0154) 65-97-45.

Ваенны камісар Лідскага раёна

палкоўнік Дакучаеў Віталь Аляксандравіч

кантактны тэлефон: 8 (0154) 659741.

Прыём грамадзян ажыццяўляе штомесяц па аўторках з 8.00 да 13.00. Адрас: 231300, вул. Перамогі, д. 44, г. Ліда, Гродзенская вобласць.

Папярэдні запіс на асабісты прыём да камісара Лідскага раёна ажыццяўляецца ў дзяжурнага па ваеннаму камісарыяту і па тэлефоне 8(0154) 659745.

ГІСТАРЫЧНАЯ ДАВЕДКА ВАЕНКАМАТА ЛІДСКАГА РАЁНА

8 ліпеня 1944 года горад Ліда быў вызвалены ад нямецка-фашысцкіх захопнікаў. Вайна працягвалася, арміі патрэбныя былі новыя рэсурсы, неабходна было аднаўляць ваенна-ўліковую працу на вызваленай тэрыторыі, і ўжо 10 ліпеня 1944 года Дырэктывай народнага камісара абароны СССР № 00148 быў створаны Лідскі раённы ваенны камісарыят Баранавіцкай вобласці.

З 18 ліпеня 1944 года пачаліся адпраўкі ў чырвоную армію, і да канца года было заклікана каля 3 тысяч чалавек.

Першы ваенны камісар са жніўня 1944 года па сакавік 1946 года, - падпалкоўнік Буторын Іван Сцяпанавіч. У 1944 годзе практычна з нуля пачалося будаўніцтва ваеннага камісарыята. З-за адсутнасці памяшканняў прыпісныя і прызыўныя камісіі праводзіліся ў клубе Абутковай фабрыкі.

Велізарную працу ў пасляваенны перыяд па прыёме на воінскі ўлік, працоўным і бытавым уладкаванні дэмабілізаваных з арміі і флоту ваеннаслужачых, аднаўленню і будаўніцтву народнай гаспадаркі правялі ваенныя камісары

падпалкоўнік Лапатачка Фёдар Канстанцінавіч (05.08.1946 – 15.08.1947)

палкоўнік Рыбкін Міхаіл Дзмітрыевіч (30.09.1947 – 29.04.1954)

падпалкоўнік Даўгешка Максім Іванавіч (12.06.1954 – 26.06.1961)

палкоўнік Шарапаў Мікалай Рыгоравіч (26.08.1961 – 17.04.1963)

15 лістапада 1954 года ў сувязі з тэрытарыяльным дзяленнем Лідскі раённы ваенны камісарыят пераведзены ў падпарадкаванне Гродзенскаму абласному ваеннаму камісарыяту. Лідскі раённы ваенны камісарыят з 27 студзеня 2010 года перайменаваны ў ваенны камісарыят Лідскага раёна.

З пачуццём доўгу і высокай адказнасці кіравалі ваенным камісарыятам у розныя гады:

палкоўнік Колабаӯ Мікалай Іванавіч (17.04.1963-10.12.1965)

падпалкоўнік Басаў Рыгор Данілавіч (15.12.1965 – 23.12.1966)

падпалкоўнік Зарэмба Арсенцій Матвеевіч (23.12.1966 – 25.10.1973)

падпалкоўнік Філімонаў Іван Мікалаевіч (25.10.1973 – 21.07.1976)

падпалкоўнік Новікаў Васіль Фёдаравіч (23.07.1976 – 04.01.1980)

палкоўнік Колас Яўген Андрэевіч (25.01.1980 – 20.07.1993)

палкоўнік Рагачоў Мікалай Мікалаевіч (09.08.1993 – 16.02.1995)

палкоўнік Зайцаў Генадзь Рыгоравіч (22.02.1995 – 17.12.1999)

палкоўнік Грушкін Яўген Іванавіч (17.12.1999 – 24.07.2006)

палкоўнік Раманенка Вячаслаў Уладзіміравіч (27.07.2006 – 08.09.2014)

палкоўнік Херман Аляксандр Валер'евіч (09.09.2014 - 07.08.2018).

З 13 верасня 2018 года ваенны камісарыят Лідскага раёна ўзначальвае падпалкоўнік Дакучаеў Віталь Аляксандравіч.

За многія гады структура і штат ваеннага камісарыята зведалі шэраг змяненняў, цяпер ваенны камісарыят складаецца з камандавання, мабілізацыйнага аддзела, групы тэрытарыяльнай абароны, аддзела прызыву на ваенную службу. Асабісты склад ваеннага камісарыята Лідскага раёна сумесна з мясцовымі выканаўчымі і распарадчымі органамі забяспечвае выкананне патрабаванняў Канстытуцыі і заканадаўства Рэспублікі Беларусь па пытаннях абароны, сацыяльнай абароны ваеннаслужачых і членаў іх сем'яў, ветэранаў Вялікай Айчыннай вайны, ветэранаў баявых дзеянняў на тэрыторыі іншых дзяржаў, удзельнікаў ліквідацыі наступстваў аварыі на ЧАЭС. Паспяхова вырашае задачы мабілізацыйнай гатоўнасці і тэрытарыяльнай абароны, арганізуе прызыў грамадзян на ваенную службу, а таксама ажыццяўляе падрыхтоўку моладзі да ваеннай службы.