Залаты фонд Лідчыны: нашы таленты ўдастоены прэміі імя Аляксандра Дубко!

Адразу тры прадстаўніцы Лідскага раёна сталі лаўрэатамі прэстыжнага штогадовага абласнога конкурсу імя А. І. Дубко за творчыя дасягненні ў сферы культуры і мастацтва. У гэтым годзе ў сузор’і пераможцаў — нашы землячкі: Ганна Некрашэвіч — загадчыца аддзела «Лідскі замак» гісторыка-мастацкага музея. Дзякуючы яе таленту Лідскі замак ажывае ў унікальных экспазіцыях, а яе экскурсіі ўлюбляюць у наш край тысячы турыстаў і замежных гасцей. Наталля Шчалканогава — кіраўнік народнай фальклорнай групы «Талер». Сапраўдны захавальнік традыцый. За мінулы год калектыў падарыў нам больш за 50 яркіх праграм, вяртаючы да жыцця аўтэнтычныя абрады рэгіёна. Тамара Харашылава — выкладчык Лідскага дзяржаўнага музычнага каледжа. Педагог з вялікай літары, якая выхавала цэлую плеяду таленавітых музыкантаў, чые імёны (уключаючы Рамана Віткевіча) гучаць на найбуйнейшых міжнародных сцэнах. Цырымонія ўзнагароджання прайшла ва ўрачыстай атмасферы Гродзенскага драмтэатра, а сёння мы павіншавалі лаўрэатаў у Лідскім райвыканкаме. Нашы жанчыны — частка культурнага кода Лідчыны. Іх праца аб’ядноўвае пакаленні і застаўляе нас яшчэ мацней ганарыцца сваёй малой радзімай. Жадаем ім невычэрпнага натхнення і новых творчых вышынь! Лідчына ганарыцца вамі! Тэлеграм-канал Аляксандра Вярсоцкага