Галоўная /
Навiны рэгiёна
18.04.2023
Адкрыты харэаграфічны фестываль-конкурс “ArtDANCE Fest” у Лідзе пашырыў геаграфію – удзельнікамі сталі не толькі калектывы з розных рэгіёнаў Гродзенскай вобласці, але і Мінская вобласць прадставіла конкурсныя нумары
15
красавіка Палац культуры горада Ліды гасцінна расчыніў дзверы для ўдзельнікаў і
гасцей адкрытага харэаграфічнага фестывалю-конкурсу “ ArtDANCE Fest 2023 ” .
Ініцыятарамі правядзення фестывалю з ’ яўляюцца кіраўнік студыі сучаснага танца “ ArtDANCE STUDIO ” – Кацярына Асядач-Брылеўская і
дзяржаўная ўстанова “ Палац
культуры горада Ліды ” .
Папулярнасць, прэстыж і значнасць гэтага
праекта пастаянна растуць. Важна, што “ ArtDANCE
Fest ” – гэта праект,
удзел у якім дае ўнікальную магчымасць выступіць на вялікай сцэне і заявіць пра
сябе, не з ’ яўляючыся
прафесіяналам, бо адна з галоўных мэт фестывалю – падтрымка і папулярызацыя
харэаграфічнай аматарскай творчасці.
Сёлета адкрыты харэаграфічны
фестываль-конкурс “ ArtDANCE
Fest ” пашырыў
геаграфію – удзельнікамі сталі не толькі калектывы з розных рэгіёнаў
Гродзенскай вобласці, але і Мінская вобласць прадставіла конкурсныя нумары.
Каля 600 падлеткаў сталі ўдзельнікамі фестывалю.
На вялікай сцэне Палаца культуры былі
прадстаўлены амаль 60 нумароў у розных узроставых катэгорыях па чатырох
намінацыях: “ Сучасны
эстрадны танец ” , “ Народны танец і стылізацыя ” , “ Dance
show ” , “ Street show ” . Ацэньвала ўдзельнікаў кампетэнтнае
журы, якое ўзначаліла Сабіна
Мазгавая – магістр мастацтвазнаўства, выкладчык кафедры харэаграфіі Беларускага
ўніверсітэта культуры і мастацтваў, лаўрэат першай ступені XXVIII Міжнароднага
фестывалю сучаснай харэаграфіі ў Віцебску (IFMC), стыпендыят фонду Прэзідэнта
РБ па падтрымцы таленавітай моладзі, уладальнік Гранд-прэміі спецыяльнага фонду
Рэспублікі Беларусь па падтрымцы таленавітай моладзі, лаўрэат шматлікіх
міжнародных конкурсаў харэаграфічнага мастацтва.
Фестываль
уразіў цёплай атмасферай, крэатывам, разнастайнасцю жанраў і форм
харэаграфічнага мастацтва. Можна без перабольшання сказаць, што адкрыты харэаграфічны
фестываль-конкурс “ArtDANCE Fest 2023” атрымаўся маляўнічым, яркім і феерычным,
падарыў усім удзельнікам шмат станоўчых эмоцый і яркіх успамінаў.