Старт новага праекта: алімпійскія чэмпіёны сустрэліся са школьнікамі і работнікамі прадпрыемстваў Ліды

У Лідзе стартаваў інфармацыйна-адукацыйны праект НАК Беларусі і Беларускай алімпійскай акадэміі «Алімпійскія сустрэчы», паведамілі БелТА ў прэс-службе НАК. Праект накіраваны на пашырэнне алімпійскіх каштоўнасцей, папулярызацыю дасягненняў беларускіх спартсменаў і развіццё асобаснага патэнцыялу. Акцыя складаецца з серыі сустрэч моладзі і працоўных калектываў з чэмпіёнамі і прызёрамі Алімпійскіх гульняў.  Першай пляцоўкай праекта стала сярэдняя школа нумар 1 Ліды. На пытанні навучэнцаў 8-11-х класаў адказалі віцэ-прэзідэнт НАК і чэмпіён Алімпіяды-1992 у веславанні на каноэ Дзмітрый Даўгалёнак, дырэктар РДВАР і пераможца Гульняў-1992 па гандболе Андрэй Барбашынскі, алімпійская чэмпіёнка па біятлоне Ірына Лешчанка і сярэбраны прызёр гульняў біятланіст Антон Смольскі. Знакамітыя атлеты сустрэліся і з прадстаўнікамі працоўных калектываў горада. Дыялогавую пляцоўку наведалі адказныя за ідэалагічную і выхаваўчую работу на прадпрыемствах Ліды супрацоўнікі, а таксама найбольш актыўныя ўдзельнікі спартыўных мерапрыемстваў рэгіёна. Госці абмеркавалі папулярызацыю здаровага ладу жыцця ў карпаратыўным асяроддзі і ролю спорту як аб’яднальнага фактару для арганізацый.